ប្រភេទនៃការដេក

ការដេកចែកចេញទៅតាមប្រភេទនៃមនុស្សដែលចូលចិត្តដេកតាមអធ្យាស្រ័យរបស់ខ្លួន។ ការដេកចែកចេញជា ៤ ប្រភេទ៖

ក. ដំណេកប្រេត បានដល់ការដេកផ្ងារ ដែជើងច្រងេងច្រងាងគ្មានសណ្តាប់ធ្នាប់ គ្មាន​ស្មារតី ដេកលក់ទាំងរវើរវាយ។

ខ. ដំណេកអ្នកបរិភោគកាម ដេកផ្អៀងទៅខាងឆ្វេង។

គ. ដំណេកសត្វសីហ បានដល់ដំណេកផ្អៀងទៅខាងស្តាំ។ ជាធម្មតាសត្វសីហជាសត្វមាន​ឋានៈខ្ពង់ខ្ពស់ ពេលវាដេក វារៀបចំក្បាល កន្ទុយ ជើងរបស់វាស្រួលបួលបំផុត រួចទើបដេក ប្រសិនបើពេលវាក្រោកឡើង វាឃើញក្បាល ជើង កន្ទុយរបស់វាខុសពីពេលវាដេក វាអាក់​អន់ចិត្តណាស់ វាមិនទៅរកចំណីស៊ីឡើយក្នុងថ្ងៃនោះ។

ឃ. ដំណេកព្រះពុទ្ឋ គឺដំណេកដែលមានសតិស្មារតី កំណត់ពេលដែលខ្លួនត្រួវក្រោកឡើង យ៉ាងទៀងទាត់ ហើយមានពេលវេលា សម្រាកយ៉ាងត្រឹមត្រូវ និងមានស្មារតីពេញ​បរិបូរណ៍។

អ្នកគួររៀនដេកអោយមានរបៀប និងមានសតិស្មារតីដើម្បីក្រោកឡើងទាន់ពេលវេលា និងអាចបំពេញការងារបានយ៉ាងល្អ។

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០