សរសើរខុស

អ្នកខ្លះខ្វះការពិចារណាឃើញមនុស្សអាក្រក់ បែជាសរសើរ បញ្ជោរ លើកជើង បុគ្គល ប្រភេទនេះនឹងមានអន្តរាយ ធ្លាក់ទៅអបាយភូមិមិនខាន។ ការសរសើរខុសមានលក្ខ​ណៈ ៤ យ៉ាង៖

ក. សរសើរមនុស្សដែលមិនគួរសរសើរ ដូចជាសរសើរអ្នកដែលពូកែជេរ ពូកែវាយតប់ ពូកែលួចជាដើម។

ខ. និន្ទាមនុស្សដែលគួរសរសើរ ដូចជារិះគន់ ចំអែចំអន់ បន្ទុចបង្អាក់ អ្នកប្រព្រឹត្តល្អ សមរម្យ ចេះគោរពចាស់ទុំ។

គ. គោរពមនុស្សដែលមិនគួរគោរព ដូចជា គោរពបងធំដែលជាមនុស្សកាចសា​ហាវ ឃោឃៅ គ្មានមេត្តាជាដើម។

ឃ. មិនគោរពមនុស្សដែលគួរគោរព ដូចជាមិនគោរពចាស់ព្រឹទ្ឋាចារ្យគ្រួបង្រៀន មាតាបិតាជាដើម។​        

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០