លក្ខណៈរបស់សប្បុរស

បើនៅលើផែនដីនេះ មានមនុស្សតែពីរនាក់គត់ក្រៅពីយើង ម្នាក់ជាមនុស្សអាក្រក់រស់នៅក្បែរ ម្នាក់ ទៀតជាមនុស្សល្អ តែនៅឆ្ងាយសែនឆ្ងាយអ្នកគួរស្វែងរកសប្បុរសនោះមកធ្វើជាមិត្ត ត្រូវលះបង់​មនុស្សអាក្រក់នោះចោលតែអ្នកមិនត្រូវធ្វើជាសត្រូវជាមួយអ្នកនោះទេ។ សប្បុរសមានលក្ខណៈ ៧ យ៉ាង៖

ក. ពហុស្សតៈ ជាអ្នកចេះដឹង មានចំណេះវិជ្ចាខ្ពង់ខ្ពស់ដែលយើងអាចសាកសួរក្រេបជញ្ជក់​យកចំណេះដឹងនិង​បទពិសោធន៍​បាន។

ខ. ធម្មធរៈ ជាអ្នកមានសីលធម៌ មានអត្តចរិក ចរិយាមារយាទល្អ ជាអ្នកដឹងគុណ មិនមានទិដ្ឋិមានះ មិនប្រកាន់ខ្លួន។

គ. ឧឡារៈ ជាអ្នកមានសេចក្តីព្យាយាម សិក្សារៀនសូត្រ ខន្តី អត់ទ្រាំ មានគុណធម៌​ខ្ពង់ខ្ពស់។

ឃ. បដិភាណវន្តំៈ  ឆ្លាតឈ្លៀស វាងវៃ មានប្រាជ្ងាច្រើន អាចដោះស្រាយបញ្ហាដោយសន្តិ វិធី។

ង. អញ្ញាអត្ថានិៈ ជាអ្នកស្គាល់នូវអំពើណាជាប្រយោជន៍ អំពើណាមិនជាប្រយោជន៍ ជាអ្នកស្គាល់រាក់ជ្រៅ ទាបខ្ពស់។

ច. វិនេយ្យ កង្ខំៈ អាចបំបាត់សេចក្តីងឿងឆ្ងល់សង្ស័យរបស់យើងបាន។

បុគ្គលដែលមានលក្ខណៈខាងលើនេះ ហៅថា សប្បុរស ដែលអាចណែនាំយើងឲ្យដល់នូវ

សេចក្តីចម្រើនរុងរឿងក្នុងថ្ងៃអនាគត។

           

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០