លក្ខណៈអសប្បរស ៦​ យ៉ាង

មនុស្សអាក្រក់ចេះស្លៀកពាក់ ចេះនិយាយស្តី ចេះធ្វើអ្វីៗប្រហាក់ប្រហែលនឹងយើងដែរ តែក្នុងចិត្ត ពោរពេញទៅដោយអំពើអាក្រក់ អំពើបាបអកុសល។​ អសប្បុរសចូលចិត្តប្រព្រឹត្តអំពើដូចខាង ក្រោម៖

ក. ផឹកសុរា សេពគ្រឿងញៀនរឿយៗ។

            ខ. ដើរលេងយប់អាធ្រាត្រហួសកាលវេលាជានិច្ច។

            គ. មើលមហោស្រព ល្បែងរបាំច្រើនហួសហេតុ។

            ឃ. លេងល្បែងស៊ីសង ល្បែងភ្នាល់។

            ង. មានមិត្តភ័ក្កិអាក្រក់ច្រើនដើរជាមួយ។

            ច. ជាអ្នកខ្ជិលច្រអូស មិនប្រឹងប្រែងសិក្សារៀនសូត្រឬរកស៊ីជាដើម។

បើអ្នកណាចូលចិត្តសេពគប់ដើរជាមួយអសប្បរសតាមលក្ខណៈខាងលើ បង្ហាញឲ្យឃើញថា បុគ្គល នោះកំពុងឈានជើងដើរក្នុងផ្លូវខុស ផ្លូវមារ ផ្លូវបិសាចដែលនាំឲ្យបាត់បង់អនាគត។

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០