ហេតុនាំឲ្យធ្វើការងារមិនសម្រេច

ការងារសម្រេច ឬមិនសំរេចវាស្ថិតនៅលើខ្លួនយើង បើយើងមានស្មារតី ព្យាយាម ប្រឹង​ប្រែងបំពេញភារកិច្ច នោះនឹងបានសម្រេចមិនខាន។

ហេតុនាំឲ្យការងារមិនសម្រេចមាន ៥ យ៉ាង៖

ក. ចូលចិត្តធ្វើការងារនេះ ការងារនោះ មិនឆ្ពោះត្រង់ណា។

ខ. ចូលចិត្តនិយាយចរចារលេងសើចឥតប្រយោជន៍ ភ្លេចកិច្ចការងារ។

គ. ទ្រមក់ ដេកច្រើន ខ្ជិលច្រអូស “កុំអាងកម្លាំងមើយងាយកិច្ចការ កុំអាងបញ្ញាមើលងាយ​ព្យាយាម”។

ឃ. មានបក្ខពួកស៊ីផឹកច្រើនពេក លែងគិតពីការងារ។

ង. មិនពិចារណាដោះស្រាយបញ្ហាការងារឡើយ បណ្តែតបណ្តោយទៅតាមយថាកម្ម។

            មនុស្សដែលមានលក្ខណៈដូចខាងលើនេះ មិនអាចធ្វើអ្វើបានពិតប្រាកដទេ ជាមនុស្សខ្វះសមត្ថភាព មិនអាចគ្រប់គ្រងខ្លួនឯង ឬគ្រប់គ្រងផ្ទះបានល្អឡើយ នឹងត្រូវមាន​វិបត្តិក្នុងថ្ងៃអនាគតយ៉ាងខ្លី។

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០