អានិសង្សនៃការដេកមានសតិ

ក. ដេកលក់បានស្រួល ព្រោះមុនពេលដេកមានចិត្តស្ងប់ មិនរវើរវាយ ម្យ៉ាងទៀត គួរសូត្រ​រំលឹកគុណព្រះរតនត្រ័យដើម្បីដេកលក់ស្រួល។

ខ. ក្រោកឡើងស្រួល គឺក្រោកឡើងរហ័សរហួន មិនទ្រមក់ ខ្ជិល ច្រអូសឡើយ ព្រោះពេល​មុនដេកបានកំណត់ពេលក្រោកឡើង។

គ. យល់សប្តិល្អ គឺនៅពេលដេកលក់ ជាពេលសម្រាក តែចិត្តអាចនាំអារម្មណ៍ធ្លាប់ជួបពី​ពេលថ្ងៃមកបាន បើពេលមុនដេកយើងមានចិត្តស្ងប់ មានស្មារតីល្អ នាំឲ្យពេលយល់​សប្តិ​ឃើញតែរឿងដែលល្អ។​

ឃ. ទេវតាតែងរក្សា ជាធម្មតាមនុស្សម្នាក់ៗ ឬផ្ទះសម្បែងនិមួយៗតែងមានពួកទេវតានៅ​ថែរក្សា គេចូលចិត្តថែរក្សាមនុស្សកតញ្ញូ ចេះដឹងខុសត្រូវ មានសតិស្មារតី។

ង. ទឹកអសុចិ មិនឃ្លាតចេញដោយមិនដឹងខ្លួនឡើយ។

ការស្រលាញ់គ្រែ ពូក ខ្នើយច្រើនពេក  វាធ្វើឲ្យយើងខាតបង់នូវប្រយោជន៍ ដូចជា​ខាតការ​សិក្សា ខាតការងារនិងជាទម្លាប់មិនល្អសម្រាប់យើងគ្រប់គ្នា បុរាណពោលថា គ្រែ​ដេកជា​គុករបស់អ្នកខ្ជិល។ យើងត្រូវរៀនដេកឲ្យបានត្រឹមត្រូវ ទើបអាចទទួល​ប្រយោជន៍​ពីការ​ដេកនោះបរិបូរណ៍។

...........................................................................................................................................................................................

ប្រភពអត្ថបទៈ មាគ៌ាជីវិត

អ្នកនិពន្ឋៈ ភិក្ខុ គូ សុភាព

វត្តនិគ្រោធវ័ន (គល់ទទឹង)

ព.ស. ២៥៥០